An yi Sallar Jana'izar gawar Ismail Haniya a birnin Doha
Kamar yadda Iqna ta ruwaito; shafin yada labarai na Aljazeera ya bayar da rahoton cewa, Khalil Al-Hiya mataimakin shugaban ofishin siyasa na kungiyar Hamas a masallacin Imam Muhammad bin Abdul-Wahhab da ke birnin Doha ne ya yi sallar jana'izar a gawar Haniyyah.
A cikin wannan taro Tamim bin Hamad al-Thani, Sarkin Qatar da Hamad bin Khalifa Al-Thani, tsohon Sarkin Qatar da Mohammad bin Abdulrahman Al-Thani, firaministan kasar da tawagogin kasashe daban-daban da wakilan Palasdinawa daban-daban da kungiyoyi sun halarta.
Sheikh Muhammad Hassan al-Marikhi mai wa'azin Juma'a na masallacin "Imam Muhammad bin Abdulwahhab" a lokacin da yake jawabi a wajen wannan biki ya nemi rahamar Allah madaukakin sarki ga shahid Haniyyah inda ya ce: lamarin Palastinu shi ne lamarin. na dukkanin musulmi, wadanda suka hada kan su a lokaci guda, Palasdinawa sun yi sadaukarwa maras misaltuwa.
A ranar da ta gabata ne Jagoran juyin juya halin Musulunci na Iran Ayatullah Khamenei ya gudanar da sallar jana'izar a gawar shugaban ofishin siyasa na kungiyar Hamas.
